Si bëhet vjelja e hudhrës në varësi të qëllimit për të cilën e kemi mbjellë?

• Për përdorim të njomë në zonën e ngrohtë, vilet herët në pranverë në shkurt-mars. Bimët e shkulura, pastrohen nga balta, rrënjët, gjethet e dëmtuara, lidhet në tufa dhe çohen në treg.
• Vjelja për prodhim të thatë në zonën e ngrohtë fillon të vilet në muajin korrik.
• Në zonën e ftohtë, për prodhim të thatë bëhet në gusht-shtator.

Tregues për të filluar vjeljen janë kur gjethet e para të hudhrës janë tharë plotësisht, ndërsa gjethet e tjera janë zverdhur. Vjelja mund të bëhet me makineri ose me dorë. Mbas shkuljes hudhra duhet të rrijë e hapur 5-6 ditë, me qëllim që të thahet mirë. Më pas, mund të bëhet kurorë ose mund të pritet bulbi dhe të vendoset në qeska standarte të rrjetëzuara, të cilat në këtë gjendje i ruajmë ose I trgëtojmë sipas kërkesës.

Ruajtja e hudhrës bëhet në depot ë ajrosura mirë, me lagështi ajrore 60-65%. Temperatura më e përshtatshme për ruajtjen e hudhrës është 1-4°C. Kur temperatura shkon mbi 10°C, shkakton dëmtime, ndërsa kur ruhen mbi 25°C, dëmi arrin mbi 50%. Herë pas here gjatë ruajtjes bëhet kontrolli dhe hiqen të dëmtuarat.