Veprimi i propolisit është i ngjashëm me atë të një antibiotiku me spektër të gjerë. Efektet e tij përfshijnë frenimin e lëvizshmërisë së baktereve dhe aktivitetit të enzimave të tyre, ka efekt bakteriostatik dhe në përqendrime të larta, një veprim vrasës të baktereve; gjithashtu ndikon në gjendjen e membranës citoplazmatike të mikrobeve.

Ndër bakteret në të cilat është testuar efektiviteti i tij, përfshihen mikrobe të njohura si:

• Escherichia coli
• Helicobacter pylori, bakteri që shoqëron ulçerën gastrike dhe kancerin e stomakut.

Veprimi i tij varet nga përqendrimi i substancave mikrobiologjikisht aktive që gjenden në të. Kryesorja ndër to është galangina, e cila ka aktivitet antimikrobik. Sa më i lartë përqendrimi i tij në përgatitje, aq më i lartë është efektiviteti i tyre. Por përveç se është antibakterial, propolisi është gjithashtu një antiviral që vepron në shumë lloje të viruseve, të tilla si ato të gripit, ftohjeve apo herpesit. Ata që janë përgjegjës për këtë veprim duket se janë flavonoidet dhe vitamina C e pranishme në substancë.

Përse përdoret propolisi?
Njeriu ka shfrytëzuar vetitë e propolisit për mijëra vjet. Në Egjiptin e lashtë është përdorur për të balsamosur kufomat; në fakt mund të thuhet se egjiptianët e mësuan artin e balsamimit nga bletët.

Përdorimi i tij i parë për qëllime mjekësore u përshkrua nga Aristoteli. Grekët dhe Romakët e përdorën atë për trajtimin e plagëve, si antiseptik, si agjent shërues dhe si dezinfektues të zgavrës së gojës. Nga ana tjetër, Persianët e përdorën atë si mjet shërimi kundër ekzemës, mialgjisë dhe reumatizmës, ndërsa Inkasit si një agjent antipiretik. Dëshmitë që datojnë nga shekulli i 12-të, përshkruajnë përdorimin e preparateve të bazuara në këtë substancë për të trajtuar prishjen e dhëmbëve, infeksionet e fytit dhe zgavrës së gojës. Dhe në 1600-ën u përdor për të trajtuar plagët dhe për të mbrojtur lëkurën në mungesë të fashave.

Sot propolisi përfaqësohet si një medikament plotësues dhe një përbërës për shtesat ushqimore të përdorura si për qëllimin e trajtimit ashtu edhe si një armë parandaluese në pjesë të ndryshme të botës. Zakonisht përdoret në sëmundjet e rrugëve të sipërme të frymëmarrjes, sepse është në gjendje të dëmtojë dhe shkatërrojë shumë baktere dhe efekti i tij është proporcional me përqendrimin e përdorur.

Përdoret gjerësisht edhe në trajtimin e çrregullimeve të ndryshme që prekin sistemin tretës, siç janë:

• mukozitet (inflamacioni i mukozës që vesh zgavrën e gojës)
• gastriti
• ulçera peptike
• koliti ulçeroz.

Përdoret gjithashtu në fushën dermatologjike, për shembull për trajtimin e:

• ulçerave
• djegieve
• plagëve aftoze
• lythave
• dermatitit atopik
• psoriazës
• herpeseve labiale dhe gjenitale

Propolis konsiderohet si një dezinfektues dhe cikatrizues.
Ka avantazhin e të qënurit me spektër të gjerë, domethënë është efektiv në shumë lloje të patogjenëve dhe nuk i nënshtrohet rezistencës bakteriale.

SI PËRDORET PROPOLISI?
Tregu ofron produkte të ndryshme të bazuara në propolis, i cili në disa raste shoqërohet me përbërës të tjerë nga zgjoi, siç janë poleni i bletës dhe mjalti, ose me vajra esenciale apo bimë (si në rastin e ekstraktit hidroalkoolik të propolisit dhe ekinaceas) .

Mund të përdoret lokalisht, në formë spray për t’u spërkatur në fyt ose në mënyrë sistemike, në tableta të përtypshme ose përgatitje të lëngshme, ose në formë të pikave, shurupeve, ëmbëlsirave, çamçakëzave, kremrave dhe vajrave. Përveç kësaj, propolis është gjithashtu një përbërës i përdorur gjerësisht nga industria kozmetike, e cila e shton atë në shampo, balsame, locione, pasta dhëmbësh dhe madje edhe në manikyret e thonjve. Së fundmi, përdoret gjithashtu si shtesë ushqimore (si konservant dhe aromatizues).

Kujdes! 
Personat që janë alergjikë nga polenet duhet të bëjnë kujdes kur përdorin propolisin, pasi janë pjesë përbërëse e tij.