Çfarë tjetër është e rëndësishme në menaxhimin e viçave?
Kushtojini përkujdesje që nga minuta e parë!

• Viçi duhet të fillojë të marrë frymë menjëherë pasi pritet kordoni i kërthizës.
• Hiqni mukusin rreth hundës.
• Mos ushtroni forcë në gjoksin e viçit.
• Mos e mbani nga gjymtyrët e pasme, pasi këto veprime mund të shkaktojnë më shumë probleme se sa sjellin ndonjë të   mirë.
• Menjëherë pas lindjes, kërthiza duhet të trajtohet me tretësirë Jodi 7%.
• Lejojeni lopën të lëpijë të voglin e saj pas lindjes.
• Në mot të ftohtë ose nëse lopa nuk e lëpin të voglin e saj, ju duhet ta thani viçin me peceta të pastra duke nxitur kështu qarkullimin e gjakut.

Strehimi i viçave. Përse nevojiten strehëzat individuale?

• Ofroni strehëza të mbrojtura nga korrentet ajrore dhe të mirë ventiluara.
• Strehimet individuale kufizojnë transmetimin e sëmundjeve nga një viç tek tjetri, parandalojnë thithjen tek njëri tjetri, si dhe garantojnë një sipërfaqe të thatë.
• Filloni t’i gruponi ato gjatë dy muajve të parë pas shkëputjes, kështu që ata mund të adoptohen me të ushqyerit në grup dhe ulin konkurrencën për ushqim.

Identifikimi dhe regjistrimi.  
Identifikoni të porsa lindurin me matrikuj në sejcilin vesh brenda 20 ditëve nga lindja e tij në bashkëpunim me veterinerin e zonës. Matrikulli përbëhet nga 14 simbole duke reflektuar me 2 gërma kodin e vendit (AL), 2 numra kodin e rrethit, 2 numra njësinë adminsitrative, 4 numra fshatin dhe 4 numra fermën.
Mbani të dhëna lidhur me:

• datën e lindjes
• emrin e nënës dhe babait të viçit
• seksin e viçit
• shenjat e veçanta gjatë pjelljes (nëse ka)
• dinamikën e rritjes së viçit
• protokollin e trajtimeve mjeksore
• të ushqyerit

Heqja e brirëve
Cili është momenti më i përshtatshëm për të hequr brirët? - Kur shikoni shfaqjen e nyjes së bririt.

Nëse ju i hiqni brirët viçave nën 1 muajsh, procesi do të jetë me më pak stres për viçin, si dhe do të jetë më i lehtë për ju që e kryeni atë. Ju mund ti hiqni brirët viçave duke i gërryer ato, me një djegës elektrik, ose duke përdorur kremin tretës të brirëve.