SI BËHET DIAGNOSTIKIMI I AETINOZËS?

• Shkaktari i aetinozës zbulohet lehtësisht nëpërmjet inspektimit vizual të kolonive.
• Kur hapet një zgjua, brumbujt e rritur mund të vërehen duke lëvizur në pjesën e poshtme të tavanit, në të dy anët e brendshme të zgjoit dhe në shiritat e sipërm të kornizave.
• Për të zbuluar brumbujt në depozitat e mjaltit, hapni zgjoin, vendoseni tavanin në tokë në një vend me diell dhe mbi të  depozitën e mjaltit (ose katin). Vazhdoni normalisht aktivitetin  e  inspektimit të kolonive në pjesën tjetër të parkut. Nëse ndodhen në kat, brumbujt e rritur do të tërhiqen nga rrezet e diellit, dhe pas rreth 10 minutash, ju mund të ngrini depozitën e mjaltit (katin) dhe të vëzhgoni për praninë e tyre në sipërfaqen e tavanit që kishit vendosur poshtë.
• Larvat e vogla shpesh gjenden të grumbulluara së bashku në cepat e zgjojit ose në korniza.
• Larvat e rritura orientohen drejt burimeve të dritës që hyn në zgjua, dalin jashtë tij kur kërkojnë një vend për të kaluar në fazën e pupës.
• Sipërfaqet e hojeve duken si të lagura dhe mbajnë erë thartirë. Era e mjaltit të fermentuar i ngjan asaj të portokallit të kalbur.

ÇFARË DUHET BËRË PËR TË MBAJTUR NËN KONTROLL SITUATËN PËR KËTË SËMUNDJE?
Parandalimi është taktika më efektive e kontrollit të brumbullit të vogël të zgjojeve.

Edhe pse gjenden preparate kimke për trajtimin e terrenit, mundësitë e përdorimit të tyre janë të kufizuara. Praktikat e mira të punës në parkun  e bletëve dhe në zgjua janë të mjaftueshme për të shmangur problemet me aetinozën në shumicën e rasteve.

Mbajtja e kolonive të shëndetshme dhe të forta të bletëve

Ulja e stresit nga sëmundjet, si varroatoza dhe faktorë të tjerë. Mbajtja e bletëve të seleksionuara me aftësi të larta pastruese. Largimi i kolonive të dobëta nga parku.

Kujdes kur bëni bashkime bletësh se mund të bëhen nje shkak serioz infestimi. Nuk duhen bërë shtesa të reja nga kolonitë e infestuara. Shmangni qëndrimin e zgjojeve të vjetra boshe në zonën e parkut. Nuk duhet të importoni materjale të përdorura bletarie nga zonat ku është prezente kjo sëmundje.

TRAJTIMI

Trajtimi i tokës
Terrenet me pak lagështitë të lehta dhe ato me me rërë janë optimale për zhvillimin e tyre. Kur vërehet prania e larvave në kolonitë e bletëve, toka rreth zgjoit mund të trajtohet me permetrinë për ti vrarë ato. Përdoreni me kujdes, pasi permethrin është shumë toksike për bletët! Sipërfaqja e terrenit ku është vendosur parku duhet te jetë sa më e pastruar nga barërat që efekti i trajtimit të jetë sa më i madh

Trajtimi duhet të kryhet vonë në mbrëmje kur nuk ka bletë në fluturim. Kujdes! Kur kryhen trajtimet, operatorët duhet të jenë të pajisur me zyze mbrojtëse dhe doreza! 

Trajtimi kimik në zgjua
Kryhet me lëndën kimike Kumafos (forma tregtare Checkmite + e cila për kontrollin e varroas) si i vetmi akaricid i regjistruar. Trajtimi kryhet gjithmonë pasi të ketë përfunduar vjelja e mjaltit. Përdorni një shirit Checkmite + për zgjua i cili lihet aty për 45 ditë dhe pastaj largohet. Nuk duhen kryher më shumë se dy trajtime në vit në zgjua me Checkmite +.