Përse ju shërben Kalendari i Ngjarjeve?

Kalendari i ngjarjeve ju shërben për organizimin e punës në fermat që mbarështojnë të leshtat. Ai pasqyron faza të ciklit të jetës së kafshëve të cilat janë të rëndësishme dhe të ndërvaruara nga njëra – tjetra, duke ju ndihmuar në planifikimin dhe organizimin e punës në fermë.  Ndër të tjera kalendari i ngjarjeve do t’ju orientojë lidhur me veprimet kryesore të mbarështimit që duhet të kryeni përgjatë vitit si dhe kohën e përafërt të tyre me qëllim eliminimin e shumë problemeve në fermë. Kalendari orientohet kryesisht rreth periudhës së ndërzimit ose asaj të pjelljeve si momentet më kritike në fermë dhe të gjithë elementët e tjerë të mbarështimit organizohen në varësi të njërës prej këtyre periudhave duke përfshirë këtu përgatitjen për ndërzim, vetë periudhën e ndërzimit, pjelljen, shkëputjen, kujdesin shëndetësor, etj. Ai përmban të gjithë aktivitetet që janë të orientuara në kohë (periudhë të vitit).

Kujdes! Ky është një kalendar orientues, të cilin ju mund ta përshtasni në kushtet e fermës dhe të zonës suaj!
Ju rekomandojmë të mbani kontakte të afërta dhe kërkoni mbështetjen përmes kësaj platforme për të përgatitur një kalendar specifik për fermën tuaj! 

Kërkon të orientosh pjelljet drejt muajit Mars? Atëherë planifiko futjen e deshëve në tufë në muajin Tetor, fillo përgatitjen e deleve në Shtator, dhe oriento çdo veprim tjetër rreth këtyre periudhave. 

Klikoni këtu në se dëshironi të dini më shumë lidhur me Kalendarin e Ngjarjeve për të leshtat pjellje të orientuara në periudhën dhjetor-janar

Klikoni këtu në se dëshironi të dini më shumë lidhur me Kalendarin e Ngjarjeve për të leshtat pjellje të orientuara në periudhën tetor-dhjetor