Cila është struktura varietore e rekomanduar? Midis kultivarëve të bathës, për prodhim bishtajash cilësore, më të përhapur tek ne janë dy kultivarë:

• “Bishtajë vogla”
• “Bishataja mëdha”

Nga të dy këto kultivarë, në vendin tonë gjenden dhe kultivohen për prodhim popullata vendi të njohura me emrat e zonës. Më shumë preferohen dhe kultivohen “Bishtaja mëdha”. 

REKOMANDIM! FERMERI QË VENDOS TË MBJELLË BATHË, DUHET TË KETË PARASYSH KËTO VEÇORI TË SAJ: Temperaturat më të larta se 32°C mund të shkaktojnë mospllenim dhe rrëzimin e luleve, duke dëmtuar rëndë prodhimin.

• Temperaturat mbi 20°C, favorizojnë  grumbullimin e amidonit në fara.
• Si bimë bishtajore batha është azotofiksuese, që në saj të bakterive Rhizobium leguminosarium në sistemin rrënjor, fikson rreth 14-50 kg/dyn azot, duke krijuar kështu mendimin që batha nuk ka nevojë për plehërim me azot. Por studimet kanë treguar se kur batha mbillet pas drithrave ose në toka të varfra me azot, është e domosdoshme të plehërohet gjatë mbjelljes me sasi të ulëta azoti, 2.5-3.5 kg lëndë aktive azot (N).

Cila është teknika e kultivimit të bathës?
Për shkak të vështirësive, që ka gjatë procesit të mbirjes, batha kërkon përgatitje të mirë të shtratit të mbjelljes. Mbas një përgatitjeje të mirë të tokës dhe sistemimit sipërfaqësor të saj, bëhet mbjellja e farës së bathës në tokë. 

Në varësi të madhësisë së sipërfaqes së tokës që do të mbillet, mbjellja realizohet në dy mënyra:
1. Për sipërfaqe të vogla mbjellja bëhet me dorë.
2. Për sipërfaqe të mëdha mbjellja bëhet me makinë.

Sa duhet të jenë distancat e mbjelljes?

• Distancat më të rekomanduara midis rreshtave janë: 40-45 cm për “Bishtaj voglën” dhe 60-70 cm për“Bishtaj mëdhatë”.
• Thellësia e hedhjes së farës është 5-7 cm. Mbas rrallimit, bimët brenda rreshtit lihen 10-20 cm larg njëra tjetrës.
• Më rrallë bëhet mbjellja e bathës me fole, me largësi midis rreshtave 70-100 cm dhe midis foleve në rresht 30-40 cm me dy-tre bimë për fole.
• Sasia e farës , që përdoret për një dynym është 15-25 kg, në varësi të kultivarit dhe dendësisë së mbjelljes.

Cilët afate mbjelljeje rekomandohen për bathën?

• Mbjellja fillon kur temperatura e tokës është mbi 10°C, që përkon me periudhën tetor-nëntor, në zonën e ngrohtë dhe herët në pranverë shkurt-mars në zonën e ftohtë
• Çfarë shërbimesh agroteknike kryhen për bathën pas mbjelljes në fushë?
• Prishja e kores është masë teknike me rëndësi për prodhimin, në veçanti në tokat që formojnë kore.
• Ky proces kryhet  me capa, ose realizohet edhe me ujitje të sheshta dhe me sasi të vogëla uji.
• Mbas mbirjes dhe rrallimit kujdes i kushtohet luftimit të barërave të këqija, ujitjeve dhe plehërimit plotësues, masa këto që krijojnë mundësi për rritje dhe zhvillim normal të bimëve.
• Ngastra e tokës së mbjellë me bathë duhet të jetë gjithmonë e shkrifët dhe e pastër nga barërat e këqija.
• Ujitjet: Duhet të sigurojnë pandërprerje lagështinë e nevojshme në tokë. “Streset” që vijnë nga mungesa  e lagështisë në tokë sjellin dëmtime të pariparueshme në rritjen dhe zhvillimin e bimëve e për rrjedhojë në prodhimin e pritshëm

Klikoni këtu nëse dëshironi të dini më shumë mbi Sëmundjet dhe dëmtuesit e bathës, parandalimin dhe luftimin e tyre.