REGJISTROHUNI KËTU për të shfletuar rubrikat e tjera të platformës.

Vjelja e brokolit kryhet atëherë kur:

• “Lulesat” janë ende të vogla dhe të ngjeshura midis tyre.
• “Kokat” të jenë të tilla që çdo lule në grup të mos ketë filluar të shfaqë petlat e verdha.
• Në disa kultivarë, duke hequr kokat e majës, zhvillohen shpejt kokat anësore, duke bërë të mundur që vjelja të vazhdojë për disa javë.

Vjelja e “kokës” bëhet duke i prerë sëbashku me disa gjethe. “Kokat”, është e nevojshme të shmanget ekspozimi në diell si para dhe pas vjeljes. Pas vjeljes “kokat”, vendosen në arka dhe ruhen në ambiente me temperaturë 0°-1°C dhe lagështirë relative të ajrit 95%, të pajisur me sistem ventilimi të mirë, për të larguar gazin karbonik.

Kujdes!

• Koka e brokolit prodhon një sasi të lartë etileni duke shpejtuar procesin e plakjes e të prishjes së tyre e për këtë arsye periudha e ruajtjes së kokave të brokolit është shumë e shkurtër.
• Në se “kokat” vendosen me shtresa dhe me hapësira të mjaftueshme midis tyre, përdoret sistem qarkullimi veprues i ajrit, për të shmangur ngritjen e temperaturës në kontenier, brokoli mund të ruhet pa u prishur për 10-14 ditë në temperaturë 0°-1°C dhe lagështi 95%.