Agrumet e plehruara mbi bazën e kërkesave të bimës dhe analizave të tokës janë faktorë të rëndësishëm në produktivitet dhe për cilësnë e të lartë të frutave.

Përse është i rëndësishëm plehërimi i balancuar për agrumet?

• Agrumet janë shumë të ndjeshme ndaj çrregullimit të lëndëve ushqyese si dhe, nga mungesa e mikroelementëve.
• Ushqyerja ndikon në cilësinë e frutave prandaj, aplikimi dhe dozat e plehërave organikë apo kimikë, janë thelbësore.
• Azoti, kaliumi dhe fosfori janë lëndët ushqyese kryesore për zhvillimin dhe marrjen e një prodhimi të qëndrueshëm në agrume.

Azoti

• Është elementi kryesor ushqyes dhe  i domosdoshëm për zhvillimin dhe prodhimin e bimës.
• Përdorimi racional dhe në përputhshmëri me kërkesat e bimës është moment i rëndësishëm për të ruajtur zhvillimin normal, por nga ana tjetër përdorimi në nivele të larta mund të çojë në një zhvillim të bujshëm të bimës duke rritur numrin e frutave dhe ulur cilësinë e tyre si:
• ngjyrim të vonuar
• përkeqësim të karakteristikave të tulit dhe të lëkurës
• tek limoni verifikohet një predispozicion më më i madh për t’u prekur nga malseko
• Në rast të mungesës të azotit në bimë shkaktohen:
• zhvillim  të vonuar vegjetativ
• frenim tëlulëzimit
• pengim në rritjen e frutave.

Fosfori

• Është makroelementi që ndikon fuqishëm në produktivitetin e bimës dhe në cilësinë e frutave.
• Në pjesën më të madhe gjëndet i përqëndruar në rrënjë nga ku lëviz drejt organeve të formuara rishtas në pranverë.
• Influenca e fosforit mbi cilësinë e prodhimit tek agrumet ndikon në:
• Shpejtimin e pjekjes,
• Rritjen e  përmbajtjes sheqerit,
• Uljen e aciditetit në frut,
• Fosfori, rregullon metabolizmin e elementëve të tjerë ushqyes.
• Niveli i lartë i fosforit ndikon negativisht mbi cilësinë e acidit citrik të frutit, duke shkaktuar prishjen e cilësisë dhe ndikon në uljen e thithjes së azotit si dhe shkakton mungesë të hekurit dhe zinkut.
• Mungesa e fosforit nuk është e lehtë të zgjidhet sepse, është më pak i lëvizshëm në solucionin toksor.
• Është shumë i dobishëm  plehërimi organik që garanton mbrojtje të fosforit nga fenomeni i patretshmërisë që verifikohet në terrene me përmbajtje të lartë gëlqere aktive.

Potasi

• Ky makroelement humbet në sasira të mëdha gjatë prodhimit.
• Potasi shfrytëzohet me intensitet të lartë nga bima në fund të lulëzimit dhe pjekjes së frutave. 
• Mungesa e potasit çon në një dobësim të bimës nga viti në vit. 
• Mungesa  e potasit evidentohet në gjethet e vjetra të cilat marrin një ngjyrë të  verdhë në të bronxtë dhe kanë tendencën e përkuljes përgjatë nervaturës. 
• Mungesa e plehrave potasike ul cilësinë e frutit që shoqërohet: a) me pjekje të vonë, b) me përqindje të lartë të plasaritjes së lëkurës dhe pak lëng në fruta.
• Shtimi i të ushqyerit potasik rrit cilësinë e frutit, por njëkohësishtë ul përmbajtjen në acide. 
• Teprica shkakton uljen e thithjes së magnezit.

Përdorimi i mikroelementëve përmirëson të ushqyerit e agrumeve dhe janë komponentë  struktural ose aktivizues të fermentëve. Kur mikroelementët janë të pamjaftueshëm agrumet shfaqin çrregullime që karakterizohen me zhvillim sëmundjesh të ndryshme klorotike në organet e gjelbërta. Kur mungesa e mikroelementëve është e lehtë nuk kemi shfaqje të klorozave.

Bori është mikroelementi më i domosdoshëm për agrumet.

• Merr pjesë në formimin e organeve të riprodhimit.
• Futjen e ujit në qelizën bimore dhe ndikon në rregullimin e ekuilibrit midis elementëve potas e fosfor.
• Mungesa e borit në agrume shkakton rrëzimin e luleve të porsaçelura dhe thyrjen e lastarëve pranverorë.
• Lëkura e frutave merr nuancë të errët dhe rrudhoset.

Zinku: në mungesë të tij ulet intensiteti i fotosintezës.

• Aktivizon fermente të ndryshme.
• Ndikon në aktivizimin e auksinës dhe giberelinës.
• Në mungesë të tij nuk formohet auksinë e re, por shkatërrohet dhe auksina ekzistuese.
• Nga mungesa e zinkut shfaqen njolla të çrregullta klorotike midis nervaturës qëndrore duke filluar nga maja e gjethes në periferinë e saj.
• Në zonat e zverdhura shfaqen pika të vogla jeshile.
• Zvoglim të përmasave të gjetheve  të cilat janë të vogla, të ngushta me majë të mprehtë.
• Lastarët e rinj të vegjël e frutat me përmasa të vogla e pak të ngjyrosur, të deformuar e me lëkurë të trashë e tul të thartë pa lëng.

Mangani: mungesa e tij shfaq kloroza midis nervaturave të gjetheve të vjetra e të reja.

• Simptomat ngjasojnë me ato të mungesës së zinkut me ndryshim se ngjyra e zbehtë nuk është aq e theksuar si në rastin e mungesës së zingut.
• Simptomat bindëse për mungesën e manganit janë se gjethet e agrumeve marrin pamje të plakur e rrëzohen para kohe në tokë.

Molibdemi merr pjesë në rritjen e thithjes më të mirë të azotit në agrume.

• Nga mungesa e tij  shfaqen njolla të verdha në sipërfaqen e gjetheve dhe pastaj marrin ngjyrë të errët.
• Edhe në sipërfaqen e frutit shfaqen njolla me ngjyrë të verdha.

Magnezi: mungesa e tij i dedikohet tepricës kaliumit në tokë.

• Simptomat shfaqen vonë në verë kur nis pjekja e frutave.
• Në gjethet e agrumeve, në mes të nervaturave formohen puçra të verdha, të çrregullta.
• Mungesa e magnezit në agrume:
• ul qëndrueshmërinë e bimës ndaj të ftohtit,
• zvoglon përmasat e frutave,
• pakëson komponimet e tretshme në frut,
• pakson ngjyrën e lëngut të lëkurës e frutit.

Bakri konsiderohet element i rëndësishëm për ushqimin  e agrumeve.

• Me përjashtim të gjethes grumbullohet në të gjithë organet e agrumeve.
• Bakri ndihmon në metabolizmin e azotit dhe sintezën e proteinave.
• Luan rol në procesin e fotosintezës.
• Mungesa e tij ka simptoma karakteristike në gjethe, filiza dhe fruta.
• Gjethet e mëdha janë me ngjyrë bronxi të fortë e shpesh me frurje të nervaturave qëndrore dhe të mbuluar me gomozë.
• Frutat mbeten të vegjël dhe në vende të veçanta rrjedhin gomozë.
• Mungesa e bakrit ne agrume rregullohet shumë lehte me sulfatin e bakrit ose oksidklorurin e bakrit si ushqim gjethor.

Hekuri merr pjesë në formiminn e proteinave brënda në kloroplastet e gjethes.

• Merr pjesë ne shumëzimin e qelizave.
• Aktivizon shumë enzima që rregullojnë normalitetin e frymëmarrjes së gjetheve.
• Mungesa e tij sjell klorozë të llapës të gjetheve të reja por nervatura primare mbetet e gjelbërt.
• Zverdhjen e majave të lastarëve të rinj dhe gjelbërimin e degëzave e gjetheve të vjetra.
• Lulëzimi dhe lidhja e frutave pakësohen shume, frutat e pjekur mbeten të vegjël, me lëkurë të hollë e të lëmuar me ngjyrë të çelët.

Klikoni këtu nëse dëshironi të dini më shumë cilat janë kërkesat për lëndë ushqyese gjatë vitit për agrumet.