Limoni është një nga bimët më të rëndësishme të agrumeve. I njohur për vetitë e larta kurative. 
Përse është i rëndësishëm kultivimi i limonit në një ambjent të qëndrueshëm?

Toka

• Limonët mund të rriten në të gjitha tipet e tokave.
• Tokat e lehta që kanë kullim të mirë janë të përshtatshme për kultivimin e tyre.
• Diapazoni i pH të tokës duhet të jetë 5.5 – 7.5.
• Limonat mund të rriten në toka pak alkaline dhe acide.
• Tokat e lehta argjilore të kulluara mire, janë më të mirat për kultivimin e limonit.

Përgatitja e tokës

• Pastrimi dhe sistemimi i parcelës.
• Analizat fiziko-kimike të tokës si pjellorisë, lëndës organike, pH, gëlqeres aktive.
• Sigurimi 400-500 kv/ha pleh organik dhe 10-12 kv/ha plehra minerale për plehrimin bazë.
• Përcaktimi i strukturës varietore, nënshartesës, distancave të mbjelljes, nevojës për fidanë.
• Punimi i tokës qilizëm 70-80 cm në muajin gusht ose 50-60 cm në vjeshtë.
• Diskimi kryq me disk të rëndë 20 cm + branë menjëherë pas rënies të shirave të para.
• Shpërndarja e plehrave organo-minerale.
• Plugimi 21-28 cm, 7-10 ditë pas diskimit të rëndë.
• Grejderim dysh 7-10 pas punimit të zakonshëm.
• Frezimi i tokës në thellësinë 16-20 cm, 5-7 dite pas grejderimit.
• Piketimi i tokës dhe hapja e gropave 40x40 cm.
• Përgatitja e fidanit, mbjellja e shërbimet menjëhere pas mbjelljes në parcelë.

Mbjellja e fidanit

• Fidani para mbjelljes i nënshtrohet një kontrolli fitosanitar (pastërti nga sëmundjet e dëmtuesit).
• Dy tre ditë para mbjelljes në fushë fidanët ujiten në mënyrë që qeskat plastike dhe kubiku brënda tyre të ketë lagështinë e duhur.
• Kur vendoset bima në vendin e mbjelljes pika e shartimit orientohet nga veriu, për të evituar ose pakësuar në minimum daljen e thithakëve tek zona e shartimit.

Koha dhe distanca

• Koha më e mire e mbjelljes është mars- prill.
• Mbjellja e limonit tetor-nëntor nuk këshillohet dhe konsiderohet me shumë rrezik.

Distanca e mbjelljes

• Limoni mbillet në formë katrore ose katërkëndëshi.
• Në terren fushor dhe kodrinor të butë aksi kryesor do të jetë veriu.
• Në terrene të tarracuara të përcaktuara bimët vendosen në vijën e izoipsit të tokës.
• Përcaktimi i distancës është në funksion të kultivarit.
• Zakonisht blloku mbillet në formë kuadrati me distance 5 x 5 (katror) ose 5 x 4 (drejtëkëndësh).
• Pas mbjelljes bëhet një krasitje e lehtë e bimëve.

Kërkesat për plehërim

Ujitja 

• Limoni kërkon ujitje në intervale të rregullta.
• Ujitja është e nevojshme për lulëzimin, frutifikimin dhe rritjen e duhur të bimëve.
• Ujitja e tepërt mund të çojë në sëmundje si kalbja e rrënjës dhe kalbja e qafës së rrënjës.
• Ujitja me frekuencë të lartë është e dobishme.
• Uji i kripur është i dëmshëm për bimët e kultivuara.
• Tharja e pjesshme e tokës në pranverë mund të mos ndikojë në bimë.

Vjelja 

• Vjelja duhet të kryhet me kujdes për të evituar dëmtimet e frutave dhe depërtimin e parazitëve kërpudhore.
• Vjelja duhet bërë në kohë të thate, ose të pritet derisa frutat të çlirohen nga kondesimet e ujrave.
• Treguesi themelor për pjekurinë e limonit është përmbajtja e lëngut e cila është përcaktuar në këtë mënyrë: 20 % për limonat Meyer e jeshil & 25 % për limonat e tjerë.

Pas-vjelja 

• Pas vjeljes, lahen frutat me ujë të pastër, pastaj zhyten frutat në ujë të klorifikuar me 2,5 ml/litër ujë dhe më pas i thahen pjesërisht.
• Këto fruta thahen nën hije dhe pastaj bëhet paketimi.

Klikoni këtu nëse dëshironi të dini më shumë mbi varietet e limonit të kultivueshëm në kushtet e vendit tonë.