REGJISTROHUNI KËTU për të shfletuar rubrikat e tjera të platformës.

Cilësia e vajit të ullirit varet nga disa faktorë agroekologjikë:

1. Vendndodhja,
2. Sasia e ujit,
3. Kultivari,
4. Vëllimi i prodhimit,
5. Infektimi nga sëmundjet e dëmtuesit.

• Vendndodhja ka elementë përbërës, siç është toka, e cila mund të ketë strukturë të ekuilibruar, me kapacitet të mirë ujëmbajtës, florë e faunë të pasur, përmbajtjen e duhur të lëndës organike.
• Sasia e ujit të ujitjes dhe mikroklima, ku kjo e fundit duhet të karakterizohet nga mungesa e dimrave të ashpër dhe ngrica të hershme në vjeshtë dhe verëra të gjata, të nxehta e të thata.
• Kultivari, duhet mbajtur parasysh se cilësia e lartë nuk mund të realizohet me përzierjen e kultivarëve dhe se sasia e cilësia, pra aciditeti dhe aroma, varen shumë nga kultivari.
• Madhësia e prodhimit, një vëllim prodhimi i madh jep përqindje të ulët vaji për çdo ton prodhim të freskët, në krahasim me prodhimet e ulëta.
• Dëmtuesit dhe infektimi nga sëmundjet, si miza e ullirit, breshkëzat dhe kërpudhat, kanë ndikim të dukshëm në aciditetin dhe karakteristikat organoleptike të vajit të ullirit.

Faktorët teknologjikë që ndikojnë në cilësinë e vajit të ullirit janë:

• Praktikat e vjeljes
• Ruajtja e ullinjve deri në përpunim
• Vaji cilësor prodhohet në pikën e duhur të maturimit dhe frutat janë të shëndetshëm, pasi si përqindja e vajit edhe aciditeti i ullinjve rritet me maturimin e tyre.
• Ullinjtë nuk duhet të bien në kontakt me tokën ose të dëmtohen gjatë vjeljes
• Gjatë vjeljes nuk lejohet përdorimi i substancave kimike.
• Ullinjtë nuk duhet të lihen shumë kohë përpara presimit
• Ullinjtë duhet të transportohen në thasë (jo të bërë prej plastike) dhe jo të shtypur ose në kuti me vrima
• Për të marrë vaj ulliri të cilësisë më të lartë, ulliri duhet të përpunohet në të njëjtën ditë ose maksimumi pas dy ditësh

Faktorët e përpunimit që ndikojnë në cilësinë e vajit, kanë të bëjnë kryesisht me higjienën e impiantit përpunues, i cili duhet të pastrohet sistematikisht dhe tërësisht. 

• Të gjitha pjesët e impiantit përpunues duhet të jenë prej çeliku të pandryshkshëm dhe ky impiant duhet të operojë në temperatura normale.
• Gjatë përpunimit duhet të eliminohen gjethet.
• Ullinjtë duhet të shplahen plotësisht me ujë të pijshëm.
• Temperatura e ujit nuk duhet të kalojë 30°C.
• Shtypësit metalike duhet të jenë prej çeliku të pandryshkshëm dhe të operojnë me shpejtësi të ulët.
• Rrahja duhet të bëhet me shpejtësi të ulët, në temperaturë maksimale 22°C.
• Gjatë ekstraktimit të vajit ushtrohet trysni, atëherë filtrat nuk duhet të jenë prej plastike dhe duhet të pastrohen plotësisht në intervale të rregullta.
• Uji i përdorur për centrifugim nuk duhet të tejkalojë temperaturën 26°C dhe duhet të jetë i cilësisë së mirë.
• Filtrimi, pllakat metalike duhet të pastrohen plotësisht në intervale të rregullta.
• Në prodhimin e vajit të ullirit organik nuk lejohet përdorimi i enzimave për qëllime ekstraktimi.

Faktorët e ambalazhimit që ndikojnë në cilësinë e vajit, kanë të bëjnë kryesisht me materialin ambalazhues, i cili duhet të jetë i përbërë nga xham i riciklueshëm. 

• Shishet duhet të jenë me ngjyrë të errët ose jo të ekspozuara ndaj dritës së drejtëpërdrejtë.
• Ajri në majë duhet të zëvendësohet nga azoti.
• Ambalazhimi duhet të kryhet në temperaturë 20 - 28°C.
• Vaji i ullirit duhet të përbëjë minimalisht 90% të vëllimit.

Faktorët e depozitimit që ndikojnë në cilësinë e vajit të ullirit: 

• Vaji i ullirit duhet të transportohet drejtëpërdrejt pas prodhimit, në depozitat për ruajtje.
• Depozitat e ruajtjes duhet të jenë prej çeliku të pandryshkshëm dhe të jenë të mbushura plot.
• Temperatura e dhomës së ruajtjes nuk duhet jetë e lartë.

Faktorët ekonomikë që ndikojnë në cilësinë e vajit janë: 

• Transporti
• Ekspozimi i produktit
• Praktikat e vjeljes