Hardhia preket nga një serë sëmundjesh e dëmtuesish dhe suksesi në mbrojtjen ndaj tyre varet nga monitorimi i vazhdueshëm i gjendjes së tyre. Pse përbëjnë problem sëmundjet dhe dëmtuesit?

• Shkaktojnë ulje të ndjeshme të prodhimit.
• Ulin cilësinë e prodhimit. 
• Ulen të ardhurat për njësi prodhimi.

Cilat janë disa nga sëmundjet dhe dëmtuesit më kryesore të hardhisë? 
Sëmundjet më të shpeshta dhe më shqetësuese në hardhi janë:

Vrugu i hardhisë  Është sëmundje kërpudhorë më e rrezikshme dhe nëse nuk merren masa mbrojtëse dëmton 95-100% te prodhimit.  Prek të gjithë organet e gjelbra të hardhisë (gjethet, lulet, frutat). Momenti i prekjes: mesi i muajt prill dhe vazhdon deri në vjeshtë. Luftimi bazohet vetëm në luftën kimike me preparate kontakti ose sistemi.

Hiri i hardhisë Edhe hiri është një sëmundje kërpudhore shumë e rrezikshme dhe mund të dëmtojë 50 – 80% të prodhimit. Prek të gjithë organet e gjelbra të hardhisë (gjethet, lulet, frutat). Momenti i prekjes: mesi i muajt prill dhe vazhdon deri në vjeshtë. Luftimi bazohet vetëm në luftën kimike me preparate me bazë squfuri.

Këshilla për trajtimet kimike në vreshta: 
Qëllimi kryesor duhet të jetë parandalimi i sëmundjeve e dëmtuesve tek rrushi i tavolinës.

• Filloni herët parandalimin e sëmundjes, fillo spërkatjen kur lastarët kanë arritur gjatësinë 10 – 15 cm.  (për fillimin e trajtimeve kundër vrugut përdor rregullën e dhjetës: temperatura mesatare ditore mbi 10°C, ka rënë mbi 10 mm shi si dhe gjatësia e  lastarit ka arritur 10 cm).
• Përdorni intervalin e spërkatjes nga 10 deri në 14 ditë.
• Kryeni spërkatjen me fungicide sa herë ka periudha me shi. 
• Gjithmonë aplikoni një spërkatje në fillimin e lulëzimit të rrushit për parandalimin e sëmundjeve. 
• Aplikoni një spërkatje me  fungicid kur 90% të luleve janë të hapura ose jo më shumë se shtatë ditë pas spërkatjes të aplikuar në fillim të lulëzimit.
• Për kultivarët që destinohen për prodhim të freskët (tavolinës), ndërhyrjet duhet të bëhen në kufijtë e infeksionit më të vogël. 
• Për të siguruar fruta me cilësi të lartë, gjithmonë, merr  masa parandaluese për luftimin e sëmundjeve dhe dëmtuesve. 
• Këshillohu me specialistin e fushës për të përcaktuar preparatin kimik më të efekshëm dhe bëj alternimin e tyre gjatë trajtimeve për një efekt më të mirë të tyre.

Përdor pesticide të lëngshme për të eliminuar mbetjet në kokrra të cilat prishin cilësinë e rrushit.
Klikoni këtu nëse dëshironi të dini më shumë për Vjeljen e prodhimit të rrushit